ینگی لیکلر

اوشبو قورلتایده  اوزبیکستان، تاجیکستان، قیزغیزستان، ایران و افغانستاندن قزاق ملیت گه منسوب نماینده لر قتنشماقده.

ایککی کون دوام ایته دیگان بو قورلتای قزاقستان نینگ تاجکستان پایتختی دوشنبه شهریده گی ایلچیلیگی و تاجیکستان قزاقلر اویشمه سی همکارلیگده اوتکزلماقده.

قزاقستان نینگ دوشنبه ده گی ایلچیلیگی گه کوره قزاق لرنینگ بو کبی قورلتایی بیرنچی بار بولیب اورته آسیاده اوتکزلماقده.

تاجیکستان ده گی قزاق لر اینگ کوپ اوشبو مملکت نینگ ختلان ولایتی مرکزی قورغان تیپه شهریده حیات کیچریشه دی.

قزاقستان نینگ تاجکستانده گی ایلچی خانه سی معلوماتلریگه کوره حاضرگی کونده  تاجیکستانده 1000 کیشی قزاق لر یشه ماقده.

تاجیکستانده گی قزاقلر اویشمه سی بیرنچی بار بولیب 2006 میلادی ییلده اوز فعالیت گه باشله گن ایدی.

اوشبو اویشمه تاجکستانده گی قزاق باله لریگه اوز آنه تیللری  ، انگلیس تیلی و کمپیوتر اورگه تیشی کبی ساحه لرده فعالیت آلیب باره دی.

اکثرا اوزبیک لردن تشکیل تاپگن افغانستان ملی اسلامی جنبشی و هزار لر منفعتی حمایه چیسی سنلگن وحدت حزبی کیله سی جمهور ریسلیک سیلو لریده اورتاق بیر نامزد دن حمایه قیلیش لرینی اعلان ایتدیلر.

کابلده اوتکه زیلگن قوشمه مطبوعات یغنیده سوزله گن جنبش ملی حزبی نینگ مرکزی کینگاشی باشلیغی سیدنورالله سادات و  و حدت حزبی نینگ باشلیغی محمد محقق اوشبو ایککی حزب اوتیشمده هم یقین همکارلیکده ایش آلیب بارگن لیگی اوچون کیله جک همکارلیک لری هم مستحکم بولیشنی تاکیدلشدی.

اوشبو ایککی حزب نینگ مسوللری، کیله جک بیر هفته ایچده اورتاق کاندیدلری کیم لیگینی اعلان ایتیش لرینی اورغولشدی.

اوتگن جمهور ریس لیک سیلو لریده  جنبش ملی حزبیدن جنرال عبدالرشید دوستم و وحدت حزبیدن محمد محقق اوز نامزدلیک لرینی ایلگری سوریب هر بیرلری بیر میلیوندن آرتیق راق رای قولگه کیلتریشگه موفق بولیشگن ایدی.

سیاسی تحلیل چیلرگه افغانستان ده گی تورکی خلق لر قوللب قوتلوگه ایگه جنبش ملی و هزاره لر حمایه سیگه ایگه وحدت حزب لری نینگ اورتاق ایش بیرلیک لری افغانستان جمهور ریس لیک سیلو لریده گی اینگ بویوک اتفاقلردن بیری بولیشی ممکن.

 افغانستان شمالیده گی سمنگان ولایتده بیرنیچه مینگ کیشی ناراضیلیک نمایشی اوتکزیب اوشبو ولایت والی سی قاضی عنایت الله عنایت نی اوز وظیفه سیدن کیتشنی سوره گنلر.

ناراضی نمایشچیلر عنایت جنابلرینی کفایت سیزلیکده عیب  اوز حاکمیتی زمانیده سمنگان ولایتی اهالی سی نینگ مشکللرینی یچلیشگه یاردم بیره آلمه گنلیکده عیب له گنلر.

نمایشچیلر بیرنیچه ساعت کابل- مزار شریف شاه یولینی توسیب موترلرنی اوتیب قیتیشگه رخصت بیرمه گنلر.

ناراضی نمایشچیلر افغانستان حکومتیدن قاضی عنایت نی اوز وظیفه سیدن چیتلنترلیشی و اونینگ اورنیگه فعال بیر والی نینگ مقرر بولیشی نی طلب ایتشماقده.

اما سمنگان ولایتی نینگ والی سی قاضی عنایت الله عنایت اوشبو ناراضی لیک نمایشی اونینگ مخالف لری تمانیدن ریجه لنترلگن سیاسی اوین ایکن لیگینی تاکیدله ماقده.

عنایت الله عنایت بوندن آلدین شمالی فاریاب و بادغیس ولایت لریده والی صفتده وظیفه اجرا ایتگن .

عنایت جنابلری فاریاب ولایتی والی سی ایکن لیگی زمانیده هم اهالی ناراضیلیک نمایشی سبب لی اوز وظیفه سیدن کیتیشگه مجبور بولگن ایدی.

تورکیه نینگ کابلده گی ایلچی لیگی ترقتگن بیاناتگه کوره، ایککی کیشی تورکیه وطنداشی کابلدن وردک ولایتگه کیته یاتگان پیتی ترافیکی حادثه یوز بیرگن.

 بو حادثه ده تیکا یا تورکیه ترقیات و همکارلیک دستوری ایشلوچیلریدن بولگن ایککی کیشی تورکیه لیک داخل تورت کیشی هلاک بولیشگن.

تورکیه ایلچی لیگی معلومات لریگه کوره تیکا خادم لری بولگن ماشین کابل وردک یولیده بیر یوک تاشوچی ماشین بیلن توقنشگن.

کابل پولیسی ایسه حادثه سبب لرینی انیق لش اوچون تیکشرو ایشلریگه باشله گن لیگی نی بیلدرماقده.

  افغانستان کانلر وزیرلیگی نینگ معلوم قیلیشچه اوشبو مملکت نینگ شمالیده 52 میلیارد مترمکعب گاز و 64.4 میلیون بوشکه نفت بارلیگی انیق بولگن.

افغانستان شمالیده گی نفت و گاز ذخیره لری بیرنچی بار بولیب 1970 میلادی ییلرده سابق سویت متخصص لری تمانیدن کشف ایتلگن ایدی.

هرچند بو مقدارده گی نفت و گاز ذخیره لری دنیا مقیاسیده اوته کم مقدارنی تشکیل بیره دی لیکن افغانستان اوچون بو ذخیره لردن فایده لنیش مثبت سنه له دی.

حاضرگی کونده افغانستانده فایده لنیله دیگان یاقیلغی محصولات لری ایران، پاکستان و اورته آسیا مملکت لریدن آلیب کیلنه دی.

افغانستان کانلر وزیرلیگی گه کوره ، اوشبو نفت و گاز ذخیره لری شمالی جوزجان و سرپل شهرلریده ییرلشگن.

بوندن بیرنیچه کون آلدین بلخ ولایتی حاکم لیگی تمانیدن نامعلوم سبب لر باعث آلیب تشلنگن تاش یازمه لر کیچه قیته اوز جایگه تیکلندی. اوشبو تاش یازمه لرده  حضرت علی (رض) مزاری نینگ تاریخی و اوشبو زیارتگاه نینگ قورلیشی و قیته قورلیشی تاریخی یازیلگن ایدی.

جنرال عبدالرشید دوستم گه طرفدار شخص لر ایسه روضه مبارک ده گی تاش یازمه لرده جنرال  دوستم نینگ بجرگن فعالیت لری و اوزبیک لرنی روضه شریف اوچون قیلگن خذمت لرینی یوققه چیقاریش اوچون بوندی ایش عملگه اشرلگن لیگی گه ایشانیشه دی.

بلخ ولایتی رسمی لریدن حاضرگه چه هیچ کیم بو کتیبه لرنی بوزیش مسولیتنی اوز بوینیگه آلمه گن اما بلخ ولایتی والی سی عطا محمد نور  بو فقط گینه بیر توشنموچیلیک بولگن لیگی نی قید ایتگن ایدی.

افغانستان شمالیده گی فرهنگی کیشی لر و جنرال عبدالرشید دوستم گه طرفدار شخص لرنی جدی عکس العمل لری سبب لی بلخ  ولایتی حاکم لیگی نوروز کیرب کیلمسدن الدین بو تاش یازمه لرنی قیته اوز جایگه قویشگه مجبور بولیشدی.

اما بوندن بیرنیچه کون آلدین سندرلیب ایندی ینگی قوریلگن تاش یازمه لرده گی اینگ اساسی اوزگریش تاش یازمه لرنینگ باشیده جنرال عبدالرشید دوستم و عطامحمد نور جنابلری نینگ صورت لرینی هم ییر آلگن لیگی دیر.

روضه شریف زیارتیگه کیلگن انسانلرنی اینگ کوپ دقتلرینی جلب ایته یاتگان تمان هم بو گون منه شو تاش یازمه لرنینگ قیته اوز جایگه قویلیشی ایدی.

کوپلب مزار شریف ده گی اهالی نیمه اوچون بوندن بیرنیچه کون آلدین اوزیدن اوزی غایب بولیب قالگن تاش یازمه لر بو گون ییرته لب بیرده نیگه باشقه کورنیش بیلن تاپلگن لیگی باره سیده بیر بیرلریگه سوال بیرشردی.

  اوشبو سیاره اوزبیکستانده گی اولوغ بیگ رصد خانه سی تمانیدن کشف ایتلگن.

اوزبیکستان آسترونومی انستیتوتی نینگ باشلیغی، پروفیسور شهرت ایگمبیردیوف گه کوره، ینگی کشف ایتلگن اوشبو سیاره نینگ زمین دن اوزاق لیگی ، آی و ییر آره سیده گی مسافه نینگ اوچ و یا تورت برابری بولیشی ممکن .

 حاضرده ایسه اوزبیک عالم لری ینگی کشف ایتلگن اوشبو سیاره نینگ مدارنی اولچش بیلن مشغول.

اوزبیکستان آسترونومی انستیتوتیگه کوره، بو سیاره باره سیده گی حساب کتابلر اوز نهایه سیگه یتگندن کیین، بو سیاره گه اسم بیرلیب حاضرگه چه کشف ایتلگن سیاره لر قطاریگه اوته دی.

منبع:www.turkgundem.net

افغانستان نینگ نیویورک شهریده گی کنسوللیگده ایش آلیب باره یاتگان اوشبو دیپولمات اوز خانمنی 15 ساعت دواملی کلتک لگن.

 انسان حقی و دموکراسی قانون قاعده لریدن آگاه بولمه گن بو شخص نیمه قیلسم قیله ویره من،بوتون اختیار اوزیمده دیب اویله گن بولیشی ممکن. افسوس کی منه شوندی تجربه سیز و قییرده قندی ایش قیلیش کیرک لیگی نی بیلمه گن ایرم شخص لر، هم اوزی همده مملکت آبرویگه منفی تاثیر قویماقده.

منه بو کون لرده اوشبو خبر دنیا مطبوعاتیده کینگ یارتیلب، حقیقتا هم افغانستان لیک لر منه شوندی ایکن، حتی  اوقمیش لی آق و قاره نی بیلگن شخص لری هم بو کبی خشونت لرگه یول قویماقده دیگن فکرنی اویغاتماقده.

خلص بو شخص کوچی باریچه مظلوم عیالنی دوپاس له گن، اونی بیل باغ بیلن اوریب اوی   ایچده گی زینه لرگه سوریکله گن. اوندن کیین ایسه بی غمگینه نکتایی سی نی تاقیب ، کورتی پتلونینی کییب لوکس گینه بولیب اوز ایش جایگه کیتگن. اوی ایچده نیمه بولیب اوتگنیدن هیچ کیم خبر بولمیدی افغانستانده گی قیلگن ایشلریم کبی یاپیق توره دی دیب اویله گن بو یگیت نی بوتون تصورلری عکسیگه ایله نه دی.

ایری اویدن چیقر چیقمس، عیال بو واقعه دن اویی یانیده گی پولیس کوچلرینی خبردار ایته دی و اولرگه 15 ساعت جریانیده نیمه لر بولیب اوتگن لیگی نی به تفصیل قصه قیلب بیره دی. پولیس ایسه درحال افغانستان لیک دیپلومات نی نظارت آستیگه آلیب سوراققه تارته دی

. پولیس دیپلومات دن نیمه اوچون بوندی خشونت گه قول اوردینگ دیب سوره گنده جده نادیپلوماتیک بیر شکلده منه شو جواب نی بیره دی.

"مینی عیالیم بیر ایت، اونگه ایتگه قیلنیشی لازم بولگن بیر مناسبت ضرور ایدی "

نیویارک شهری نینگ پولیس گه کوره ، حاضرده دوپاس لنگن عیال دوالنیش مقصدیده شفاخانه گه بستر ایتلگن.

افغانستان ده گی  حیات قیند چیلیگی نه فقط اوشبو مملکت انسانلرینی بلکه بو یورت  حیوانلرینی هم باش پناه ایزلشگه مجبور قیلگن.

قشاق و قتیق یوره ک بیر جمعیت ده توغیلگن اوشبو کوچیک نینگ حکایه لریگه کوره، او مملکت نینگ جنوبی ولایت لری نینگ بیرده یشه گن.

بو مملکت ده دنیاگه کیلشیگه پشیمان بولگن اوشبو کوچیک نینگ بیرنچی قیند چیلیکلری کوزینی آچر آچمس باشله نه دی.

قتیق یوره ک کوچیک باز اویده دنیاگه کیلگن اوشبو پاپی چه نینگ قولاغ و قویرقلری (دمبی) هنوز آنه سوتیدن ایرلمه گن وقت لری کیسله دی. انه شوندن کیین اونینگ حیات قیند چیلیک لری  کون اوتیشی بیلن آرتیب کیته ویره دی. حاضر بریتانیاده "بیر" اسمی بیرلگن اوشبو اوغان کوچیگی بیر آز ییگولیک قرشی سیده کوپلب حیات قیند چی لیک لریگه یونلترلگن.

"بیر" بیر آز کته بولگندن کیین اونینگ کوچیک باز ایگه سی، اوزی توغیلب اوسگن جمعیت دن اورگن گن ناپسند عنعنه نی اونگه هم اورگته دی. اوشندن کیین "بیر" هر هفته جمعه کونلری قتیق یوره ک کوچیک سیورلرنی کونگیل لرنی شاد ایتیش اوچون اوزینی قانگه بوییدی.

اوزون مدت دوام ایتگن بو حالت جنگره کوچیک نی هم اویلنتریب قویه دی، او نیمه اوچون اوز هم جنس لری بیلن بیرنیچه ته قتیق یوره ک انسانلرنی وقت لرینی خوش اوتکزیش اوچون جنگ میدانیگه توشه یاتگان لیگنی اویلیدی.

نهایت ده کوچیک نینگ عقلی جایگه کیلب ، بوتون قیلمیش لریدن پشیمان بولیب قتیق یوره ک انسانلر قولیدن نجات تاپیش یولینی ایزلیدی.

 او بو مملکت ده، بوندن آرتیق بو شکل یشه ش ناتوغری ایکن لیگی نی انگله ب همده بیرار بیر انتحاری قربانی بولمسدن اوزیگه ینگی حیات تاپیشگه حرکت قیله دی.

خلاصه کوچیک نینگ بو آرزو لری ، حیوانلر حقوقی بویچه فعال نادولت خلقرا بیر تشکیلات سعی و حرکتی بیلن عملگه آشریله دی.

"بیر" قالگن عمریدن لذت آلیب یشه ش اوچون بریتانیاگه آلیب کیتله دی ، حاضرده او لندن ده مهاجر حیوانلر اوچون نظرگه آلینگن بیر جملاقده حیات کیچرماقده.

ایندی انگلیس تیلینی هم اورگه نیشگه حرکت قیله یاتگان "بیر" افغانستانده قالگن هم جنس لرینی هم اوزی اوتکزگن  حیات قیند چی لیک لریدن نجات بیریش اوچون قولیدن کیلگن سعی وحرکت لرنی بجریشنی وعده بیرگن.

مطبوعات اهلی و حیوانلر حقوقی بویچه فعال کیشی لر بیلن اوچرش گن اوشبو کوچیک،  افغانستانده حیوانلر حتی کی  اوز حیوانی حقوقیگه  هم ایگه  ایمس ایکن لیگی ،بو حالت نی اوزگریشی اوچون خلقرا هم جمعیت نینگ آره لشووی لازم لیگی و حتی  کوچیک لر امنیت نی تامین لش اوچون خلقرا حربی کوچ جونه تیلیشی لازم لیگی نی اورغوله ماقده.